Četiri-štajuna-naslovnica

‘Četiri štajuna’

Muk

Kroz jematvu i primaliće,
karnovol i litnje fešte;
muk.
Provukuje se kroz lozi i suputnice,
štrode i kole,
pjace i sole,
kroz vrime;
muk.
Kako sudnji don diže pokojne store
i vodi ih kroz poja i lozja,
nimo japjenice i kamenice.
I ne nahodidu nikoga,
somo muk,
zaresa i obresa.

Da in je slomit takaj po škinjima !
Ma su i takji infruloni,
u muku.