U kloncu Miki Bratanić

‘U kloncu’

LOPIŠ

Život čovika je lopiš veli
Ča sve piše po tabeli
Niko ofregat ne more
Niti grihe nit pokore
Ča je veće šporkarije
Čovik žešće otarije
Ma se ofregat ne more
Šomo se žuntoje gore
Zoton provoje tabelu sakrit
Ili je  barenko malo pokrit
Ma isto zapišeno sve ostaje
I vele bokune i retaje
Sve sinjoje olovka vela
Život čovika punta debela